Hakamlar 7

¹Yerubbaal, ya’ni Gido‘n, hamma lashkarlari bilan barvaqt turib, qarorgohini Xaro‘d bulog‘ining bo‘yida joylashtirdi. Midiyonlarning qarorgohi esa ulardan shimolda, Mo‘re tepaligining yonidagi vodiyda joylashgan edi.

²Egamiz Gido‘nga dedi: “Sening lashkaring juda ko‘p bo‘lgani uchun, Midiyonlarni qo‘llaringga berolmayman. Aks holda Isroil xalqi, Meni ulug‘lamay, g‘alabaga o‘z kuchimiz bilan erishdik, deb o‘ziga bino qo‘yadi.

³Dushmandan qo‘rqqanlarga ijozat ber, Gilad tog‘ini tark etib, uylariga qaytib ketsinlar.” Shunday qilib, odamlarning yigirma ikki mingtasi qaytib ketib, o‘n mingtasi qoldi.