Chiqish 7

¹Egamiz Musoga aytdi: — Qarab tur, akang Horunni sening o‘rningga gapiradigan qilaman. Seni fir’avnning ko‘zi oldida Xudo singari — Menday qilib qo‘yaman. Horun sening payg‘ambaring bo‘lib, gaplaringni fir’avnga yetkazadi.

²Men senga aytgan hamma amrlarni akangga ayt. Isroil xalqi Misrdan chiqib ketishi uchun ijozat ber, deb Horun fir’avnga aytadi.

³Lekin Men alomatu mo‘jizalarimni Misr yurtida ko‘rsatay, deb fir’avnning yuragini tosh qilib qo‘yaman.