1 Shohlar 28

¹O‘sha kunlarda Filistlar Isroil lashkari bilan urush qilmoqchi bo‘lib, lashkarlarini to‘plashdi. Oxish Dovudga: — Bilib qo‘y, sen odamlaring bilan albatta men tomonda jang qilasizlar, — deb ta’kidladi.

²— O‘shanda siz men, qulingizning nimalar qilishimni ko‘rasiz, — dedi Dovud. — Yaxshi, — dedi Oxish, — sen doimo mening shaxsiy qo‘riqchim bo‘lib qolasan.

³Shomuil olamdan o‘tganda, butun Isroil xalqi unga aza tutgan va uni o‘z shahri Ramaga dafn qilishgan edi. Shoul esa arvoh chaqiruvchilarni va folbinlarni yurtdan yo‘qotib yuborgan edi.