1 Solnomalar 15

¹Dovud o‘zi uchun Dovud qal’asida uylar barpo qildi. Xudoning sandig‘i uchun ham joy tayyorlab, chodir qurdi.

²Keyin u shunday amr berdi: “Xudoning sandig‘ini faqat levilar ko‘tarib yursin. Zero, Egamiz O‘z sandig‘ini ko‘tarib yurish uchun levilarni tanlagandir. Ularni O‘ziga abadiy xizmat qilish uchun tanlab olgandir.”

³Dovud o‘zi tayyorlagan joyga Egamizning sandig‘ini olib kelish uchun jamiki Isroil xalqini Quddusda to‘pladi.