Ishayo 4

¹O‘sha kuni yetti ayol bir erkakni tutib olib, shunday deydi: “O‘z nonimizni yeymiz, O‘z kiyimimizni kiyamiz. Sharmandaligimizdan bizni qutqaring, Bizni sizniki, deb bilishsa bo‘ldi.”

²O‘sha kuni Isroildagi omon qolganlarga Yurtning hosili iftixor, ulug‘vorlik bo‘ladi. Ha, Egamning novdasi ko‘rkam, ulug‘vor bo‘ladi.

³Quddusda omon qolganlar, O‘sha Sion shahrida qolganlar “ Muqaddas”, deb ataladi. Ular Quddusda hayot kitobiga yozilgan.