2 Shohlar 13

¹So‘ngra shunday hodisa sodir bo‘ldi: Dovudning Tamara degan go‘zal qizi bor edi. U Absalomning singlisi edi. Dovudning boshqa o‘g‘li Omno‘nga Tamara o‘gay edi. U Tamarani sevib qoldi.

²Omno‘n o‘gay singlisi Tamarani deb azob chekaverib, kasal bo‘lib qoldi. Tamara hali bokira bo‘lgani uchun, Omno‘n unga biror narsa qilishga ojiz edi.

³Omno‘nning Yonadov degan do‘sti bor edi. Yonadov Dovudning akasi Shimoning o‘g‘li bo‘lib, juda ayyor yigit edi.