1 Solnomalar 5

¹Ruben Yoqubning to‘ng‘ich o‘g‘li edi. Ammo u otasining to‘shagini bulg‘agani uchun, to‘ng‘ich farzandlik huquqi Yusufning o‘g‘illariga berilgan edi. Shu sababdan Ruben nasabnomada to‘ng‘ich sifatida ro‘yxatda yo‘q.

²Rubenning ukasi Yahudo aka–ukalari orasida eng kuchlisi bo‘lib, yo‘lboshchi uning qabilasidan chiqsa ham, to‘ng‘ichlik huquqi Yusufniki bo‘ldi.

³Ruben to‘rt o‘g‘il ko‘rdi. Ularning ismlari Xano‘x, Palluv, Xazron va Karmi edi.